Act 6 | GbrGAW | STEP | Shi a Yesu-viyi ɓei ku mwa begye a wahala ya kala ku. A Helleniyi ɓai gna, ata gye ɓa nuwan lo n ɓa anyigbayi-yin. A gna a Ibraniyi anyi-gbayi nyagyi ga lo.

Acts 6

1 Shi a Yesu-viyi ɓei ku mwa begye a wahala ya kala ku. A Helleniyi ɓai gna, ata gye ɓa nuwan lo n ɓa anyigbayi-yin. A gna a Ibraniyi anyi-gbayi nyagyi ga lo.

2 Abara ɓa yezhi ɓa gna. “Waʼazi zhin yi tnu-tnu nu. Yi ta wun esa ya ntu nya gyi gna ɓo m. 3 Fa ya kni aza tnaba eyi m. Aza nɓa nunuyi n Zafun yi! N nyagyi ɓo. 4 Ntu ge ya mi ya bwa sa ya zhin aduwa n waʼazi ɓedo n wu-wu yi.”

5 Shaula ye kwa da ɓa, ɓa kni Istifanus, (Istifanus ɓei nunuyi n Zafun yi sosai). Ɓa kni njesun Filibus, Buruhoris, Nikano, Timon, Barminas n Nikolawus, Antakiya nya. Wo ɓei zhin ebye do nu n wo ɓo ga gaiciya. 6 Abara ɓa zhin aduwa ntu ɓa ɓo, ɓa kpe ɓa abwa tukwo.

7 A da Shekwoyi nabari abaho-bahoi. Aza n mwa ɓai ga gaiciya n Urushelima har du Ayahudiya yi aprist yi.

8 Istifanus ɓei nu Zafun Gyi-gyi-yi iko yi. Ntu ce nu wa mi wa zhin aɓo wo-woyi.

9 N wyihoi a Yahudiyi ɓa na ɓo n woi har a Yahudiyi n ɓa kun n Sirine, Alekzanda n Masar. Tarki Silisiya nya Asiya yi ɓa ʼgbe dna do. 10 Amma ɓa to ɓo min n Istifanus ɓo m. Gama wo ɓei nunuyi n ɓeyekpe yi, ɓedo n Zafun yi.

11 Sai ɓa ɓe aza yi ɓa ce akata fi Istifanus. Ɓa gna ge wa da Musa ɓenukwoyi woi ce akata njesun.

Ala Istifanus Wan

12 Deye kwa ga aza minagyi, A Yahudiyi atukwoda ɓa wan wo ɓa ɓe n woi n a shaula zhinyi aba. 13 Aseda katai da ɓa gna, “Istifanu wa da ɓeda nukwoyi ntu aduwa nyakun tukwo ɓedo n Musa owa yi.

14 “Yi ku wo woi da ge, Yesu ɓa la aduwa nyakun ya, wa she Musa owa ya.” 15 Aza vinya n ɓa ɓei fi ɓo nyi ɓa gye Istifanus awyeba la shando ngye malaika nya!